بارسێلۆنا دەتوانێت بەشداری چامپیۆنزلیگ بكات؟
یاریگا –
راپۆرتە رۆژنامەوانیەكان ئاشكرایانكرد یانەی بارسێلۆنای ئیسپانی دەتوانێت بەشداری یارییەكانی خولی یانە پاڵەوانەكانی ئەوروپای وەرزی داهاتوو بكات، بە بێ ئەوەی تووشی هیچ سزایەك ببێتەوە.
بەپێی زانیاریەكانی رۆژنامەی ماركای ئیسپانی یەكێتی تۆپی پێی ئەوروپا ” یوفا ” هیچ بەڵگەیەكی پێوویستی نەدۆزیەوە بەمەبەستی سزادانی بارسێلۆنا و دوورخستنەوەی لە خولی یانە پاڵەوانەكانی ئەوروپا بۆ وەرزی 2023/24.
سەرچاوەكە ئەوەشی ئاشكرا كردووە، هێشتا كەیسەكە دانەخراوە و ئێستا لە ماوەی دوو بۆ سێ هەفتەیەكدا لیژنەكە بڕیار دەدات.
🚨🎖️| BREAKING: Barcelona received the OK from UEFA to play in the Champions League next season. [@CatalunyaRadio] #fcblive ✅ pic.twitter.com/mnF6WKHQTq
— BarçaTimes (@BarcaTimes) June 30, 2023
بەشداریکردنی یانە کەتەلۆنییەکە لە خولی یانە پاڵەوانەکانی ئەوروپای وەرزی داهاتوو بەهۆی دۆسیەی نێگرێرا لەژێر هەڕەشەدا بوو، کە تیایدا بارسا تۆمەتبارکرا بەوەی بڕە پارەیەکی داوە بە جێگری سەرۆکی پێشووی لیژنەی ناوبژیوانی بە مەبەستی بەدەستهێنانی بڕیار لە بەرژەوەندی یانەکەدا.
رۆژنامەكە ئاشكرایكردووە، یەكێتی تۆپی پێی ئەوروپا بارسێلۆنای ئاگادار كردووەتەوە كە دەتوانن بەشداری خولی یانە پاڵەوانەكانی ئەوروپای وەرزی داهاتوو بكەن، لەبەر نەبوونی هیچ بەڵگەیەكی پێوویست.
بارسێلۆنا خاوەنی پێنج نازناوی چامپیۆنزلیگە و كۆتا جار یانە كەتەلۆنییەكە لە ساڵی 2015 بوویە پاڵەوان، بە راهێنەرایەتی لویس ئێنریكی.
