یاریگا-
مانگی تەمووز مانگی خۆئامادەکردنی یانەکانە بۆ وەرزی نوێ، لەو نێوەندەدا هەردوو گەورەکەی ئیسپانیا دەچنە ئەمریکا و لەو وڵاتەدا چەند یارییەکی دۆستانە ئەنجامدەدەن.
بریارە لە 29 ی مانگی داهاتوو، بارسێلۆنا و ریاڵ مەدرید لە یارییەکی ئامادەکاریدا لە دالاسی ئەمریکا ڕووبەڕووی یەکتر ببنەوە.
چاوەڕواندەکرێت نزیکەی 80 هەزار هاندەر لە یاریگا ئامادەی ئەو یارییە بن، کە بە پێی زانیارییەکانی رۆژنامەی ئاس کەمترین نرخی تکت بۆ ئامادەبوون لەو یارییە 250 یۆرۆیە و زۆترین نرخیش دەگاتە 3200 یۆرۆ.
لەو یارییەدا هەردوو ئەستێرەی نوێی ریاڵ و بارسا، بێڵینگهام و گوندۆگان بەشداری دەکەن.
