لیڤەرپوول هاوکێشەی گواستنەوەی ئێمباپێ بۆ ریال مەدرید تێکدەدات
یاریگا –
لیڤەرپوول خەریکە هاوکێشەی مێرکاتۆی هاوینە دەگۆڕێت و گرێبەست لەگەڵ کیلیان ئێمباپێ واژۆ دەکات.
مارکۆ کیرێمیر، بریکاری یاریزانان کە لە فێدراسیۆنی تۆپی پێی نێودەوڵەتی فیفا کار دەکات روونیکردووەتەوە، لیڤەرپوول ئامادەکاری بۆ پێشکەش کردنی ئۆفەرێک بە بڕی 329 ملیۆن دۆلار بە کیلیان ئێمباپێ، ئەستێرەی پاریس سانجێرمان دەکات.
👔 Marco Kirdemir (@marcoagentfifa), agente FIFA que conoce el entorno de Mbappé 🐢
🗣️ "El Liverpool está dispuesto a pagar 250 millones más bonus por él"
🗣️ "El equipo inglés le hará competencia al Madrid"
🗣️ "La última decisión la tomará el francés"
🎙️ Con @pedropparrado🔛 pic.twitter.com/YK3ER6I3c9
— Radio MARCA (@RadioMARCA) June 26, 2023
کیردەمیر یەکێکە لە دیارترین ئەو کەسانە لە بواری گواستنەوەی یاریزانان کار دەکەن، بە رۆژنامەی مارکای راگەیاندووە
هەفتەی داهاتوو چەند هەواڵێکی نوێ دەبن، لە ئینگلتەرا و ئەڵمانیا گوێمان لە هەواڵی نوێ دەبێت. ئێستا لیڤەرپوول رکابەری لەگەڵ ریال مەدرید دەکات و دەیەوێت نرخی داواکراو پێشکەش بە ئێمباپێ بکات، ئەو نرخە دەگاتە نزیکەی 300 ملیۆن یۆرۆ.
ئێمباپێ پەیوەندییەکانی لەگەڵ قەتەرییەکان تێکچووە و لە ناوەڕاستی ئەم مانگە رایگەیاند، لە هاوینی ساڵی 2024 ریزەکانی پاریس سانجێرمان جێدەهێڵێت، ئەمەش وایکردووە پاریس بیر لە فرۆشتنی بکاتەوە.
کیردەمیر قسەی لەگەڵ بەرپرسانی باڵای پاریس سانجێرمان کردووە و دەڵێت، قەتەرییەکان زۆر تووڕەن و بڕوایان وابوو، ئێمباپێ گرێبەستەکەی نوێ دەکاتەوە.
ریال مەدرید کە چەندین ساڵە بە دوای ئێمباپێیەوەیە، تاوەکو ئێستا نەیتوانیوە پارەی داواکراو پێشکەش بە پاریس بکات، ئەمەش وایکردووە لیڤەرپوول بچێتە نێو کێبڕکێیەکە و هەوڵی گواستنەوەی ئەستێرە فەرەنسییەکە بدات.
