فێرمینیۆ پەیوەندی بە خولی سعودی دەکات
یاریگا –
رۆبێرتۆ فێرمینیۆی بەڕازیلی پەیوەندی بە یانەی ئەهلی سعودی دەکات.
رۆژنامەنووس فابریزیۆ رۆمانۆ بڵاویکردووەتەوە، یانەی ئەهلی سعودی لەگەڵ رۆبێرتۆ فێرمینیۆ لە گفتوگۆدایە بۆ گواستنەوەی ئەو یاریزانە بەرەو خولی رۆشەنی سعودی.
بەپێی قسەکانی رۆمانۆ، دانوستانەکان بەردەوامن، سعودییەکان چاوەڕوانی وەڵامی کۆتایی هێرشبەرە تەمەن 31 ساڵانییەکەی پێشووی لیڤەرپوولن.
Understand Al Ahli are in talks to sign Roberto Firmino. Negotiations ongoing, waiting for player’s final decision. 🟢🇸🇦 #Saudi
Al Ahli are preparing medicals in case they get the green light later this week. pic.twitter.com/k8MH6PCGvJ
— Fabrizio Romano (@FabrizioRomano) June 25, 2023
فابریزیۆ ئاماژەی بەوەش کردووە، ئەگەر یانەکە تا کۆتایی ئەم هەفتە لەلایەن بۆبییەوە گڵۆپی سەوزی بۆ هەڵبکرێت، ئەوا دەستدەکات بە ئامادەکاری بۆ کردنی پشکنینە پزیشکییەکان.
فێرمینۆ پاش هەشت وەرز یاریکردن بە درێسی لیڤەرپوول، لە کۆتایی وەرزی رابردوو ماڵئاوایی لە یانەکە کرد، بە درێسی رێدزیش لە 362 یاری 111 گۆڵی کرد و 79 گۆڵیشی درووستکرد.
توانی هەر حەوت نازناوەکەش لەگەڵ یانەکە بەدەستبهێنێت، کە لە گرنگترینیان بەدەستهێنانی نازناوی چامپیۆنزلیگ و بەدەستهێناننی نازناوی پرێمەرلیگ بوو، کە یانەکە 30 ساڵ بوو لەو نازناوە بێبەش بوو.
