فەرمی: یوڤێنتوس گرێبەستی میلیك ـی كرد بە هەمیشەیی
یاریگا –
بەشێوەیەكی فەرمی یانەی یوڤێنتوس و مارسیلیا گەیشتنە رێككەوتن لەسەر گواستنەوەی ئەركادیۆس میلیك بۆ یانە ئیتالیەكە.
لە گواستنەوەكانی هاوینی وەرزی رابردوو میلیك بۆ ماوەی وەرزێك و بە شێوەی خواستن پەیوەندی بە یوڤێنتوسەوە كرد و خانمە پیرەكە مافی كڕینەوەی یاریزانەكەی لە گرێبەستەكەیدا زیاد كرد.
یوڤێنتوس لە هەژماری تایبەتی خۆی بڵاویكردووەتەوە: میلیك بەشێوەی هەمیشەیی بوو بە یاریزانی یوڤێنتوس دوای ئەوەی وەرزی رابردوو بە خواستن لە یانەكەمان بوو.
✍️ 𝗠𝗜𝗟𝗜𝗞 ✅@arekmilik9 signs on in ⚪⚫!
— JuventusFC 🇬🇧🇺🇸 (@juventusfcen) June 21, 2023
لە بەیاننامەكەی یوڤیشدا هاتووە: یانەكەمان بڕی 6.3 ملیۆن یۆرۆ بە سێ ساڵ دەدات و هێرشبەرەكە واژۆی لەسەر گرێبەستەكەی كردووە بۆ ماوەی سێ ساڵ و تا ساڵی 2026 لەگەڵ یانەكە دەمێنێتەوە.
وەرزی رابردوو میلیك بەشداری41 یاری كرش لە سەرجەم پاڵەوانیەتیەكان و توانی نۆ گۆڵ بكات و گۆڵێكیش درووست بكات.
