ریال مەدرید گرێبەستی دوو یاریزانی نوێدەکاتەوە
یاریگا –
یانەی ریال مەدرید نزیکە لە نوێکردنەوەی گرێبەستی هەردوو ئەستێرەی تیپەکەی، دانی سیبایۆس و ناچۆ فێرناندێز.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، ریال مەدرید لە نوێکردنەوەی گرێبەستی ناوەڕاستکاری تیپەکەی، دانی سێبایۆسی تەمەن 26 ساڵان نزیکە.
رۆمانۆ ئاماژەی بەوە کردووە یاریزانەکە و یانەکە نزیکن لە رێککەوتن، لە قۆناخی کۆتایی وردەکاریی گرێبەستەکەدان، سیبایۆس بەم زووانە واژۆی خۆی لەسەر گرێبەستە نوێیەکەی دەکات.
Understand Real Madrid are closing in on agreement to extend Dani Ceballos new contract, here we go soon! 🚨⚪️🇪🇸 #RealMadrid
The agreement is imminent, just final details being discussed then Ceballos will sign.
Nacho and Ceballos will both extend with Real Madrid. pic.twitter.com/Mj4AibqRg7
— Fabrizio Romano (@FabrizioRomano) June 16, 2023
بەپێی هەمان سەرچاوە، جیا لە دانی، ناچۆش یەکێکی دیکەیە لەو یاریزانانەی، کە ریال مەدرید نزیکە لە نوێکردنەوەی گرێبەستەکەت.
بەپێی قسەکانی رۆژنامەنووسەکە، ناچۆ راستەوخۆ لەگەڵ فلۆرێنتینۆ پێرێزی سەرۆکی یانەکە رێککەوتنی کردووە، سەرجەم رێکارەکانی نوێکردنەوەی گرێبەستەکەی کۆتایی هاتووە.
گرێبەستە نوێیەکەی کورتخایەن دەبێت، سبەی دووشەممەش واژۆی لەسەر دەکات، بە فەرمیش نوێکردنەوەکەی رادەگەیەندرێت.
Nacho will sign new short term deal at Real Madrid in the next days — he has agreed directly with Florentino Pérez that it will be completed very soon. ⚪️✅ #RealMadrid
Documents are ready; matter of time for the announcement, could take place on Monday. pic.twitter.com/3Oe5s7Cf7F
— Fabrizio Romano (@FabrizioRomano) June 14, 2023
سیبایۆس بە درێسی ریال مەدرید بەشداری 120 یاری کردووە، 5.098′ خولەک یاری کردووە، 6 گۆڵی بۆ یانەکەی کردووە و 12 گۆڵیشی درووست کردووە.
ناچۆش لەگەڵ مێرێنگی 319 یاری کردووە، بەشێوەیەکی گشتی 22.646 خولەک یاری بۆ یانەکەی کردووە، خاوەنی 16 گۆڵ و 9 ئەسیستیشە.
