یاریگا
لوکا مۆدریچ ناوەڕاستکاری کڕواتی یانەی ریال مەدریدی ئیسپانیا ئامادەنیە ریزەکانی یانەکەی جێبێڵێت و ئۆفەرێکی خەیاڵیش لە خولی سعودیا رەتدەکاتەوە.
جیانلوکا دی مارزیۆ رۆژنامەنوسی ئیتاڵی بڵاویکردەوە، ناوەڕاستکارەکەی مێرنگی ئۆفەرێکی خەیاڵی لە یانەی هیلالی سعودی بەرامبەر 200 ملیۆن یۆرۆ بۆ ماوەی سێ وەرز پێگەیشتووە بەڵام رەتیکردووەتەوە.
سەرچاوەکە بڵاویشی کردەوە مۆدریچ ماوەیەکی زۆرە چارەنوسی خۆی یەکلایی کردووەتەوە و دەیەوێت لە ریزەکانی یانە شاهانەکە واز لە یاریکردن بێنێت.
لوکا مۆدریچ ئەم هاوینە گرێبەستەکەی لەگەڵ ریال مەدرید کۆتایی دێت و یانەکەشی ئامادەیە بۆ ماوەی وەرزێکی دیکە گرێبەستەکەی واتە تاوەکو هاوینی ساڵی 2024 نوێ بکاتەوە.
