ریال مەدرید هێرشبەرێكی سێریا ئەی دەوێت
یاریگا –
یانەی ریال مەدریدی ئیسپانی خواستی خۆی بۆ گواستنەوەی ڤیكتۆر ئۆسیمین هێرشبەری یانەی ناپۆلی ئیتاڵی دەربڕی، لە ماوەی گواستنەوەكانی هاوینەدا.
ریال مەدرید هەوڵدەدات لە گواستنەوەكانی هاوینەدا چەندین گرێبەست واژۆ بكات بۆ ئەوەی وەرزی داهاتوو كێبڕكێی بردنەوەی سەرجەم نازناوەكان بكات.
بەپێی زانیارییەكانی رۆژنامەنوس جیانلوكا دی مارزیۆ ریال مەدرید گرنگی بە گواستنەوەی ڤیكتۆر ئۆسیمین دەدات لە ماوەی گواستنەوەكانی هاوینەدا.
🚨🌕| Real Madrid are interested in Napoli striker, Victor Osimhen. @DiMarzio #rmalive pic.twitter.com/y9esf67p16
— Madrid Zone (@theMadridZone) June 15, 2023
یانە ئیسپانیەكە دەیەوێت لە ماوەی گواستنەوەكانی هاوینەدا هێرشبەرێكی سەرە ڕم بگوازێتەوە بۆ جێگای كەریم بێنزێما، هێرشبەری پێشووی یانەكە.
گۆڵكارە نەیجیریەكەی سێریا ئەی لەگەڵ پاڵەوانی سێریا ئەی تا ساڵی 2028 گرێبەستی هەیە.
لە چەند رۆژی رابردوودا كەریم بێنزێما دوای كۆتاییهاتنی گرێبەستەكەی ریال مەدریدی جێهێشت و پەیوەندی بە ئیتیحادی سعودییەوە كرد.
یانە شاهانەكە بە گەرمی چووەتە بازاڕی گواستنەوە و هەریەك لە یاریزانان كەریم بێنزێما، ئێدین هازارد، ماركۆ ئاسینسیۆ، دانی سیبایۆس ریزەكانی یانەكەیان جێهێشت و هەریەك لە یاریزانان براهیم دیاز، فران گارسیا، جود بێڵینگهام پەیوەندیان بە یانەكەوە كرد.
لەم وەرزەی سێریا ئەی ڤیكتۆر ئۆسیمین بەشداری لە 32 یاریدا كرد و توانی 26 گۆڵ تۆمار بكات و ببێتە گۆڵكاری ئەم وەرزەی خولەكە.
