یاریگا –
تۆنی كرووس، ئەستێرەی هەڵبژاردەی ئەڵمانیا و یانەی ریال مەدریدی ئیسپانی باس لە نوێكردنەوەی گرێبەستەكەی خۆی و رۆیشتنی هاوڕێكانی لە یانەكە دەكات.
پێشتر چەند راپۆرتێكی رۆژنامەوانی ئاشكرایكرد كە لە دوای كۆتاییهاتنی گرێبەستەكانیان چەند یاریزانێك ریزەكانی ریال مەدرید جێدەهێڵن.
لەلێدوانێكیدا بۆ رۆژنامەی ئاس كرووس ووتی: ئەستەمە پێشبینی بكەین كە چی بەسەر ناچۆ ، ئەسینسیۆ و سیبایۆسدا دێت، هەستێكم هەیە كە ماركۆ بەردەوام نابێت.
دەربارەی ناچۆ و سیبایۆس ووتی: هیچ بیرۆكەیەكم نیە كە چی بەسەر ئەو دووانە دێت، خۆشحاڵ دەبم كە هەردووكیان بمێننەوە، بە دڵنیاییەوە ناچۆ شایەنی یاریكردنە، دانی ئاستێكی باشی هەیە بۆیە مانەوەی هەردووكیان بەسوودە.
هەروەها بەردەوام بوو ووتی: دەبێت لە یانەكە بپرسم كەی نوێكردنەوەی گرێبەستەكەم رادەگەیەنێت، چونكە دەبێت لە شوێنێكدا بچمە پشوو.
پێشتر چەند سەرچاوەیەك ئاشكرایانكرد كرووس بۆ ماوەی وەرزێكی دیكە گرێبەستەكەی لەگەل ریال مەدرید نوێ كردووەتەوە.
