ئەم وەرزە بۆ مێندێز کۆتایی هات

یاریگا

ئەم وەرزە بۆ نونو مێندیز بەرگریکاری یانەی پاریس سانجێرمانی فەڕەنسا کۆتایی هات و ئەو یاریزانە بەهۆی پێکان ناتوانێت بەشداری هیچ یارییەکی دیکەی یانەکەی بکات.

یانەی پاریس سانجێرمانی فەڕەنسا لە بەیاننامەیەکی فەرمی بڵاویکردەوە، مێندێز بەرگریکاری چەپی 20 ساڵی یانەکەیان لە یاری رابردوو بەرامبەر لۆریان لە ماسولکەکانی رانی راستی تووشی راکێشان بووە بەمهۆیەوە بەشداری یارییەکانی داهاتووی یانەکەی تاوەکو کۆتایی وەرز ناکات.

لە ئەنجامی ئەم پێکانە، بەرگریکارە چەپەکەی یانە شازادەکان چیتر ناتوانێت لە یارییەکانی ئەم وەرزەدا یاری بۆ پاریس سانجێرمان بکات و لە ئەنجامدا وەرزی 2022-2023 بۆ ئەو کۆتایی هات.

مێندێز ئەم وەرزە لەگەڵ یانەی پاریس سانجێرمان لە هەموو پاڵەوانتیەکان بەشداری 32 یاری کردووە دوو گۆڵ لەگەڵ 7 ئەسیستی بە ناوی خۆی تۆمار کردووە.