ریاز مەحرەز ریكۆردێكی مێژووی تۆمار كرد
یاریگا –
ریاز مەحرەزی جەزائیری و ئەستێرەی یانەی مانچێستەر سیتی ئینگلیزی ریكۆردێكی مێژووی یانەكەی تۆمار كرد.
شەوی رابردوو مانچێستەر سیتی و شیفیلد یونایتد لە یاریگای وێمبلی لە قۆناخی پێش كۆتایی جامی یەكێتی ئینگلتەرا رووبەرووی یەك بوونەوە و سیتی یاریەكەی بە سێ گۆڵی بێ وەڵام بردەوە و توانی خۆی بگەیەنێتە یاری كۆتایی.
گۆڵەكانی سیتیزن لەلایەن ریاز مەحرەز لە خولەكەكانی 43,61,66 تۆمار كران.
بەپێی تۆڕی ئۆپتا كە تایبەتە بە ژمارە و ئامارەكان ریاز مەحرەز یەكەم یاریزانی مانچێستەر سیتیە بتوانێت لە یاریگای وێمبلی هاتریك تۆمار بكات.
3 – Riyad Mahrez has scored the first ever FA Cup semi-final hat-trick at Wembley Stadium, and first in the semi-final of the competition overall since Alex Dawson in 1958 (Man Utd against Fulham). Historic. #MCISHU pic.twitter.com/L7mWjRiXx5
— OptaJoe (@OptaJoe) April 22, 2023
هەروەها هاتریكەكەی مەحرەز یەكەم هاتریك بوو لە قۆناخی پێش كۆتایی جامی یەكێتی ئینگلتەرا لە دوای ئەلێكس داوسۆن لە ساڵی 1958.
مەحرەز بە 32 ساڵ و 60 رۆژ بوو بە گەورەترین یاریزان بتوانێت هاتریك تۆمار بكات بۆ ئەو تیمەی كە پێپ گواردیۆلا راهێنەرایەتی كردوون.
