بارسێلۆنا یەكەم گرێبەستی هاوینەی یەكلاكردەوە
یاریگا –
ئینیگۆ مارتینێز، بەرگریكاری یانەی ئاتلێتیك بلباو بە خۆڕایی پەیوەندی بە ریزەكانی یانەی بارسێلۆنا كرد بە گرێبەستێك بۆ ماوەی دوو وەرز، بەڵام تا ئێستا بە فەرمی رانەگەیەندراوە.
گرێبەستەكەی مارتینێز لەگەڵ ئاتلێتیك بلباو لە هاوینی ساڵی داهاتوودا بەسەردەچێت و بەرگریكارە بڕیاری داوە پەیوەندی بە بارسێلۆناوە بكات.
گۆڤاری ریلیڤیۆ ئاشكرایكردووە بەرگریكارە ئیسپانیەكە پشكنینی پزیشكی لە یانە كەتەلۆنییەكە ئەنجامداوە و گرێبەستێكی لەگەڵ بارسێلۆنا واژۆ كردووە بۆ ئەوەی لە هاوینی داهاتوودا بێ بەرامبەر پەیوەندی بە یانەكەوە بكات.
یانە كەتەلۆنییەكە هەر زوو یەكەم گرێبەستی هاوینەی خۆی یەكلا كردەوە بە گواستنەوەی بەرگریكارەكەی بلباو بۆ یانەكەی دوای ئەوەی لە چەند مانگی رابردوودا ناوی بە بەهێزی بە بارسێلۆناوە بەسترابوویەوە.
راپۆرتەكە ئاشكرایكردووە بەرگریكارە 31 ساڵانەكە مانگێك پێش ئێستا پشكنینی پزیشكی لە بارسێلۆنا ئەنجامداوە.
Íñigo Martínez ya ha firmado su contrato con el Barcelona.
El central del Athletic, que ha pasado reconocimiento médico, será blaugrana las próximas dos temporadas. @relevo @Santos_Relevo https://t.co/245VAHaRtJ
— Matteo Moretto (@MatteMoretto) April 13, 2023
ئینیگۆ مارتینێز لەم وەرزەی لالیگادا بەشداری لە 13 یاری كردووە و توانیویەتی گۆڵێك تۆمار بكات.
