زانیاری نوێ سەبارەت بە چارەنوسی رودی گارسیا
یاریگا –
راپۆرتە رۆژنامەوانیەكان وردەكاری نوێیان سەبارەت بە چارەنوسی رودی گارسیای فەڕەنسی و راهێنەری یانەی نەسری سعودی ئاشكرا كرد.
رۆژنامەی الاقتصادية لە راپۆرتێكی ئەمڕۆیدا رایگەیاندووە ئیدارەی كارگێڕی یانەكە دابەشبوون بۆ دوو بەرە، بەشێكیان پێیان وایە كە هەلێكی دیكەی پێبدرێت و بەشێكی دیكەشیان لەگەڵ دەركردنی راهێنەرەكەدان، ئەمڕۆ یان لە دوای یاری داهاتووی یانەكە راهێنەرەكە دووربخریتەوە.
لە راپۆرتی هەمان رۆژنامەدا هاتووە، شێوازی راهێنەرەكە و پێداگریكردنی لەسەر شێوازێكی دیاریكراوی یاریكردن بەشدار بووە لە لەدەستدانی پێشەنگی ریزبەندی و لەدەستدانی جامی سوپەری سعودیە، یانەكە نایەوێت لەم وەرزەدا بە بێ نازناو دەربچێت.
هەروەها چەند رۆژنامەیەكی جیهانی بەس لە كێشەكانی یانەی نەسر دەكەن و رۆژنامەی سپۆرتی كەتەلۆنی لە بابەتێكیدا ئاماژەی بەوە كرد كە كریستیانۆ رۆناڵدۆ ئەستێرەی یانەكە متمانەی بە رودی گارسیا نیە.
️⚽️ | #Fútbol
❌ Cristiano no confía en el entrenador del Al Nassrhttps://t.co/1K5CD7MBRj
— Diario SPORT (@sport) April 11, 2023
هەروەها رۆژنامەی ماركا ئەوەی ئاشكرا كردووە، گارسیا وازی لە راهێنەرایەتیكردنی كریستیانۆ رۆناڵدۆ هێناوە لە نەسڕ، راهێنەرەكە لە ئاست خواستی یانەكەدا نەبووە و پەیوەندی لەگەڵ یاریزانەكان لە ژووری خۆگۆڕین باش نەبووە.
🚨 Rudi Garcia ne serait plus l’entraîneur d’Al-Nassr !
En plus des mauvais résultats, l’entraîneur français n’aurait pas une bonne relation avec le vestiaire.
(@marca) pic.twitter.com/ilmeQZoLWe
— Footballogue (@Footballogue) April 12, 2023
گارسیا لەگەڵ نەسر 26 یاری راهێنەر بووە, 18 بردنەوەی بەدەستهێناوە و پێنج یەكسان بوون و سێ دۆڕانی هەیە، 55 گۆڵیان كردووە و 16 گۆڵیشیان لێكراوە.
نەسڕ لە 25ی حوزەیرانی رابردوو گرێبەستێکی لەگەڵ راهێنەرە فەرەنسییەکە واژۆکرد بۆ ماوەی ساڵێک.
