یاریگا –
سادیۆ مانێ بە پەرۆشە بۆ کارکردن لەگەڵ تۆماس توخێل، راهێنەری نوێی بایرن میونشن.
مانێ پێشتر زۆرجار لە پرێمەرلیگ رووبەڕووی توخێل بووەتەوە، ئێستاش دەیەوێت بە خێرایی کارەکانی لەگەڵدا دەستپێبکات. توخێل لەگەڵ چێڵسی نازناوی چامپیۆنزلیگی بردەوە و ئێستاش هەمان ئامانجی بۆ بردنەوەی نازناوەکان لەگەڵ ئێف سی هۆڵیوود هەیە.
سکای ئەڵمانیا لە راپۆرتێکی شیکاریدا روونیکردووەتەوە، تۆماس توخێل دەیەوێت باشترین ئاستی مانێ بگەڕێنێتەوە و بیکاتە سوپەر ستاری یانەکە.
توخێل ئەوکاتەی لە چێڵسی و پاریس سانجێرمان بوو، زۆر هەوڵیدا مانێ بگوازێتەوە تیمەکەی، بەڵام لە هەوڵەکانی سەرکەوتوو نەبوو.
