ئیبراهیمۆڤیچ: من رابردوو ئێستا و داهاتووم
یاریگا
زلاتان ئیبراهیمۆڤیچ، گەڕایەوە هەڵبژاردەی سوید دوای چاكبونەوەی لە پێكان بەمەبەستی ئامادەكاریەكانیان بۆ رووبەڕووبوونەوەی بەلجیكا لە پاڵاوتنەكانی گەیشتن بە یۆرۆی 2024.
یاریزانە تەمەن 41 ساڵانەکەی میلان دوای گەڕانەوەی لە پێكانە كە ماوەی 14مانگ دووریخستەوە گەڕایەوە یاریگاكان و لە یاری بەرامبەر ئۆدەنیزی گۆڵی تۆمار كرد و بوو بە بەتەمەنترین یاریزان لە خولی ئیتاڵیا گۆڵ بكات.
The goal that broke the record, courtesy of Zlatan Ibrahimović 🇸🇪🦁 pic.twitter.com/EQeyrJ88D2
— Lega Serie A (@SerieA_EN) March 19, 2023
لە وەڵامی ئەو پرسیارەی كە ئایا دەتوانێت سەركردایەتی هەڵبژاردەكەی بكات بۆ گەیشتنیان بە یاریەكانی یۆرۆی 2024 سوڵتان ئیبراهیمۆڤیچ گووتی:
ئەگەر لە دۆخێكی باشدا بم و راهێنەر پەیوەندیم پێوە بكات ئەوا بە تەواوی تواناكانمەوە یارمەتی هەڵبژاردەكەم دەدەم، لەو باوەڕەدام لە تەمەنی مندا ناتوانی بیر لە داهاتوو بكەیتەوە دەبێت بیر لە ئێستا بكەیتەوە، هەرچەند من رابردوو و ئێستا و داهاتووم.
گۆڵكاری مێژووی هەڵبژاردەی سووید ئاشكرایكرد كە لە ماوەی 14 مانگدا سێ نەشتەرگەری كردووە.
Past-Present-Future pic.twitter.com/Poxlr3M4i2
— Zlatan Ibrahimović (@Ibra_official) March 21, 2023
سوڵتان ئیبراهیمۆڤیچ لە 121 یاریدا بۆ هەڵبژاردەی سووید كە كردوویەتی 62 گۆڵی كردووە و لە ساڵی 2001 یەكەم یاری بۆ هەڵبژاردەی نیشتیمانی كردووە.
