یاریگا
یەكێتی تۆپی پێی ئینگلتەرا سزایەكی قورسی ئەلێكساندەر میترۆڤیچ ئەستێرەی سڕبی یانەی فولهام و ماركۆ سێلڤا راهێنەری هەمان یانە دەدات دوای ئەو رەفتارانەی لە یاری بەرامبەر مانچێستەر یونایتد كردیان.
لە قۆناخی چارەكی كۆتایی جامی یەكێتی ئینگلتەرا هەردوو یانەی مانچێستەر یونایتد و فولهام رووبەڕووی یەك بوونەوە و یاریەكەش لە بەرژەوەندی شەیتانە سوورەكان بە سێ گۆڵ بەرامبەر گۆڵێك كۆتایی هات.
لە خولەكی 72 ناوبژیوان كارتێكی سووری بە ڕووی ویلیان بەرزكردەوە و پاشان میترۆڤیچ بە مەبەستی ناڕەزایی دەربرین پاڵ بە ناوبژیوانەوە دەنێت و راستەوخۆ كارتی سووریش بە ڕووی هێرشبەرەكەدا بەرز دەكاتەوە.
What was Mitrovic thinking? Assault and verbal abuse Red. Two of the most obvious reds you’ll ever see. pic.twitter.com/GrFLBbf1Jq
— Stretford Post (@StretfordPost) March 19, 2023
وتەبێژی یەكێتی تۆپی پێی ئینگلتەرا لەو بارەیەوە گووتی: میترۆڤیچ و ماركۆ سێلڤا بە تاوانبار دانراون دوای ئەو رووداوانەك لە خولەكی 72ی یارییەكەیان بەرامبەر مانچێستەر یونایتد كردیان.
بەردەوام بوو گووتی: ماركۆ سێلڤا ووشەی نەشیاوی بەكارهێناوە بۆ ناوبژیوانی یارییەكە ، هەروەها پێش كرانە دەرەوەی سوكایەتی بە ناوبژیوانی چوارەم كردووە و بتڵێكی ئاوی بە ڕووی فڕێداوە.
لەلایەكی دیكەوە رۆژنامەی دەیلی مەیلی بەریتانی ئاشكرایكردووە كە یەكێتی تۆپی پێی ئینگلتەرا رەنگە میترۆڤیچ بۆ ماوەی 10 یاری سڕ بكات.
