لوكاكۆ لەیانەیەكی زلهێزی ئیسپانیاوە داوا دەكرێت
یاریگا
راپۆرتە رۆژنامەوانییەکانی ئینگلتەرا ئاشكرایانكرد رۆمێرۆ لوكاكۆی بەلجیكی و یاریزانی یانەی چێڵسی ئینگلیزی لەلایەن یانەی ریال مەدریدی ئیسپانیەوە داوادەكرێت و دەیانەوێت لە گواستنەوەكانی هاوینی داهاتوودا بیگوازنەوە ریزەكانیان.
لە ئێستادا لوكاكۆ بەشێوەی خواستن یاری بۆ ئینتەر میلان دەكات و لە گرێبەستەكەیدا هیچ بڕگەیەكی مافی كڕینەوەی لەلایەن یانە ئیتاڵییەكەوە كارا نەكراوە.
رۆژنامەكە ئاماژەی بەوەشكردووە كە كارلۆ ئانچێلۆتی راهێنەری ئیتاڵی یانەی ریال مەدرید یەكێكە لە هاندەرەكانی لوكاكۆ و سەرسامی تواناكانی ئەستێرە بەلجیكیەكەیە و پێی وایە كە هێرشبەرێكی لێهاتوو بەتوانایە ئەگەر پێكانەكان بەرۆكی بەربدات.
هەمان سەرچاوە ئاشكرایكردووە كە یانە شاهانەكە دەیەوێت سوود لە لێدوانەكانی بەرپرسانی ئینتەر میلان وەربگرێت كە رایانگەیاند لە كۆتایی وەرزدا لوكاكۆ یانەكە جێدەهێڵێت.
Lukaku non sbaglia 🔝
Il gol del raddoppio nerazzurro 🖤💙#RegginaInter 0️⃣➖2️⃣#RegginaInter #ForzaInter #Inter pic.twitter.com/mZ59l0Utkz— Inter (@Inter) December 22, 2022
لەم وەرزەدا لوكاكۆلە سێریا ئەی بەشداری لە 14 یاریدا كردووە و سێ گۆڵی تۆماركردووە و گۆڵێكیشی درووست كردووە.
