یاریگا
ئیریك تین هاخ، راهێنەری هۆڵەندی یانەی مانچێستەر یونایتدی ئینگلیزی ستایشی تواناكانی ماركۆس راشفۆرد دەكات دوای بردنەوەكەیان بەرامبەر لیدز یونایتد.
شەوی رابردووی لیدز لە یاریگای خۆیدا میوانداری مانچێستەر یونایتدی كرد و یاریەكەش بەئەنجامی دوو گۆڵی بێ وەڵام لە بەرژەوەندی یانەی میوان كۆتایی هات.
گۆڵەكانی یاریەكە لە لایەن ماركۆس راشفۆرد لە خولەكی 80 و گارناچۆ لە خولەكی 85 تۆمار كران.
بەو بردنەوەیە شەیتانە سوورەكان كۆی خاڵەكانی بۆ 46 خاڵ بەرز كردەوە و لە ریزبەندی سێیەمی پرێمەرلیگ دێت.
لە دوای یارییەكە تین هاخ گوتی: بە دڵنیاییەوە ڕاشفۆرد یەکێکە لە باشترین هێرشبەرە گەورەکانی ئەوروپا، هەر لە یەکەم ساتەوەختەوە کە لێرە بووم باوەڕم بەوە هەبووە.
راهێنەرەكەی شەیتانە سوورەكان گوتیشی: بەڕاستی زۆر دڵخۆش بووم بە كاركردن لەگەڵیدا، دەمتوانی زیاتر لە تواناكانی ئەو پێشكەش بكەم.
