یاریگا–
فلیپێ کۆتینهۆ، ناوەڕاستکاری بڕازیلی یانەی بارسێلۆنای ئیسپانیا هەموو ئەو دەنگۆیانەی رەتکردەوە کە باس لە جێهێشتنی یانەکەی دەکەن.
ناوەڕاستکارەکەی بلاوگرانا بە رۆژنامەی ” میرەر “ـی بریتانی گووت ” دوو وەرزە پەیوەندیم بە بارسێلۆنا کردووە و چەند ناسناوێکم لەگەڵ ئەم یانەیە بەدەستهێناوە و دەمەوێت ناسناوی دیکەش بەدەست بێنم، زۆر دڵخۆشم یاری بۆ باشترین یانەی جیهان دەکەم و بیرم لە جێهێشتنی یانەکەشم نەکردۆتەوە “.
ئەم قسانەی کۆتینهۆ لە کاتێکدایە ماوەی رابردوو دەنگۆی ئەوە بڵاوکراوەتەوە گوایە دەیەوێت بگەڕێتەوە ئینگڵاند و یاری بۆ مانچێستەر یونایتد بکات.
