چەند یانەیەكی بەهێزی ئەوروپا دەیانەوێت ئەلیستەر بگوازنەوە

یاریگا-

ڕاپۆرتە ڕۆژنامەوانیەكان ئاشكرایانكرد ئەلێكسیس ماك ئەلیستەر ناوەڕاستكاری هەڵبژاردەی ئەرجەنتین و یانەی بڕایتۆنی ئینگلیزی لەلایەن چەندین یانەی گەورەی ئەوروپاوە چاودێری دەكرێت.

ماك ئەلیستەر لەگەڵ هەڵبژاردەكەی توانیان ببنە پاڵەوانی جیهان دوای ئەوەی لە یاری كۆتاییدا بە لێدانی یەكلاكەرەوە لە فەڕەنسایان بردەوە.

ئەلیستەر یاریزانێكی سەرەكی لیۆنێل سكالۆنی ڕاهێنەری تانگۆ بوو لە ماوەی یاریركانی جامی جیهانیدا بەجۆرێك لە شەش یاریدا بەشێوەی سەرەكی پشتی پێ بەست.

بەپێی زانیاریەكانی ڕۆژنامەی ئاس ئەلیستەر لەلایەن هەریەك لە یانەكانی ئەرسیناڵ و تۆتنهام لە پریمەرلیگ و ئەتلەتیكۆ مەدریدی لە خولی ئیسپانیا گرنگی پێدەدرێت و دەیانەوێت لە گواستنەوەكانی زستانەدا بیگوازنەوە.

گرێبەستەكەی ناوەڕاستكارە 23 ساڵانەكەی بڕایتۆن لە ساڵی 2025 بەسەردەچێت.