یاریگا–
بەهۆی دەرکردنیان لە قۆناغی چارەکی کۆتایی، لەوانەیە گاریس ساوزگێت واز لە پۆستی راهێنەرایەتی هەڵبژاردەی ئینگڵاند بێنێت.
مەت لاو رۆژنامەنوسی ئینگلیزی زانیاری دەستکەوتووە، فێدراسیۆنی تۆپی پێ وڵاتەکەیان لە ئەگەری وازهێنانی راهێنەری هەڵبژاردەکەیان، دوو بژاردەیان هەیە بۆ شوێنگرەوەی، ئەوانیش توماس توخێلی ئەڵمانی و ماوریسیۆ پۆچێتینۆی ئارجێنتینایی.
راهێنەرە ئەڵمانیەکە پێشتر بەهۆی ئەنجامە لاوازەکانی لە راهێنەرایەتی یانەی چێڵسی دوورخراوەتەوە، ئەوەکەی دیکەشیان بە هەمان شێوە لە ریزەکانی تۆتێنهام دوورخراوەتەوە.
