یاریگا-
پاولۆ دیبالای ئەرجەنتینی و ئەستێرەی یانەی ڕۆمای ئیتاڵی ڕیكۆردێكی مێژووی یانەكەی كرد بە ناوی خۆیەوە.
ڕۆما لە یاریگای خۆیدا میوانداری هلسنكی كرد و یاریەكەشی بە سێ گۆڵی بێ وەڵام لێ بردەوە ، لە میانەی یاریەكانی هەفتەی دووەمی قۆناغی كۆمەڵەكانی خولی ئەوروپیدا.
بەپێی زانیاریەكانی تۆڕی ئۆپتا كە تایبەتە بە ژمارە و ئامارەكان دیبالا خاوەنی خێراترین گۆڵی یاریزانێكی یەدەگە لە مێژووی ڕۆمادا كە بتوانێت گۆڵ لە خولی ئەوروپی تۆمار بكات.
لە گێمی دووەم دیبالا هاتە نێو یاریگا و دوای تێپەڕبوونی خولەكێك لە هاتنە ناوەوەی گۆڵی تۆمار كرد.
