ئه‌وروپاچامپیۆنزلیگ
دوای 650 ڕۆژ هازارد بێ دەنگی شكاند
یاریگا-
ئیدین هازاردی بەلجیكی و ئەستێرەی یانەی ڕیاڵ مەدریدی ئیسپانی بێدەنگی شكاند و دوای ماوەیەكی زۆر توانی گۆڵ لە خولی یانە پاڵەوانەكانی ئەوروپادا تۆمار بكات.
سێلتیك لە یاریگای خۆیدا میوانداری ڕیاڵ مەدریدی كرد و یانەی میوانیش توانی یاریەكە بە سێ گۆڵی بێ وەڵام لێ بباتەوە ، لە میانەی یاریەكانی هەفتەی یەكەمی قۆناغی كۆمەڵەكانی خولی یانە پاڵەوانەكانی ئەوروپا.
گۆڵەكانی مێرینگی لەلایەن ڤینیسیۆس جۆنیۆر ، لۆكا مۆدریچ و ئیدین هازاردەوە تۆمار كران.
بە تۆماركردنی ئەو گۆڵە هازارد توانی دوای 650 ڕۆژ بێدەنگی بشكێنێت و لە چامپیۆنزلیگ گۆڵ تۆمار بكات.
ڕۆژنامەی ماركا ئاشكرایكردووە هازارد ماوەی ساڵێك و نۆ مانگ و دە ڕۆژە گۆڵی بۆ ڕیاڵ مەدرید لە خولی یانە پاڵەوانەكانی ئەوروپا تۆمار نەكردووە.
