گواستنەوەی رابیۆ بۆ پرێمەرلیگ شکستی هێناوە

یاریگا–
ئادریان رابیۆ، ناوەڕاستکاری فەرەنسی یانەی یوڤێنتوسی ئیتاڵیا لەلایەن یانەی مانچێستەر یونایتدی ئینگلیزی هەوڵی گواستنەوەی بۆ دەدرا، بەڵام یانە ئینگلیزیەکە پاشگەزبووەتەوە لە هەوڵەکانی.

فابریزیۆ رۆمانۆ رۆژنامەنوسی ئیتاڵی کەمێک پێش ئێستا بڵاویکردەوە، خانمە پیرەکە پەیامی کۆتایی یانە ئینگلیزیەکەی پێگەیشتووە و زۆر ئەستەمە گواستنەوەکە ئەنجام بدرێت، مەگەر شتێکی مەحال روبدات.
رۆمانۆ ئەوەشی باسکردووە کارگێری مانچێستەر یونایتد ئامادەن پارەیەکی خەیاڵی بۆ گواستنەوەی چەند یاریزانێکی نوێ خەرج بکەن، بۆیە بیر لە بژاردەکانی دیکە دەکەنەوە.