ئۆزیل لە خولی تورکیا بەردەوام دەبێت

یاریگا–
مەسوت ئۆزیل، ناوەڕاستکاری ئەڵمانی پێشووی یانەی فەنەرباهچە نزیکە لە پەیوەندی کردن بە ریزەکانی یانەی باشاک شاهیری تورکیا.

رۆژنامەی سەنی بەریتانی بڵاویکردەوە، دوای ئەوەی ناوەڕاستکارە ئەڵمانیەکە لە کۆتاییەکانی وەرزی 2020 بۆ 2021 لە پێکهاتەی یانەی فەنەرباهچە دوورکەوتەوە، دواجار ئەو یانەیە بەهۆی دابەزینی ئاستی یاریزانە ئەڵمانیەکە بریاریدا گرێبەستەکەی هەڵوەشێنیتەوە و ئەو یاریزانە نزیکە لە پەیوەندی کردن بە یانەی باشاک شاهیر.

ئۆزیل پێشتر یاری بۆ یانەکانی ریال مەدرید و ئارسێناڵیش کردووە و دوای جێهێشتنی ریزەکانی یانە ئینگلیزیەکە بریاریداوە رووبکاتە خولی تورکیا.