ئیسپانیا
وادەی یەکەم یاری رودیگەر و چوامێنی لەگەڵ ریاڵ مەدرید
یاریگا-دوێنێ ریاڵ مەدرید بەفەرمی کۆتایی بە گواستنەوەی ئاورێلیان چوامێنی هێنا و هاندەران بەپەرۆشن یەکەم یاری ئەو یاریزانە و ئەنتۆنی رودیگەر ببینن.
وابڕیارە بۆ یەکەمجار هاندەران بینەری یاری دوو ئەستێرە تازەکەیان بن لە یاری جامی سوپەری ئەورووپا بەرامبەر ئینتراخت فرانکفورت. یارییەکە لە ١٠-٨ دا بەڕێوەدەچێت و ئەگەری ئەوە هەیە لەو یارییەدا راستەوخۆ یەکەم ناسناوی خۆیان لەگەڵ یانەکە بەرزبکەنەوە.
مەدرید دوو مانگی لەبەردەمدایە بەر لەو یارییە و ئەگەری هاتنی هێرشبەرێکیش لە ئارادایە تا ئەوکات، لە ئێستادا یانەکە سەرقاڵی تاوتوێکردنی ئەو پرسەیە و ناوی یاریزانانی وەکو، گابریێل جیسوس، رەحیم ستێرلینگ، نکونکو لە کاندیدەکانن.
