كامپ نۆو دەدرێت بە كرێ بە هاندەران

یاریگا-

یانەی بارسێلۆنای ئیسپانی لە بەیاننامەیەكی فەرمیدا ڕایگەیاند كە بە شێوەیەكی فەرمی دەرگای كامپ نۆو بەڕێی هاندەراندا دەكرێتەوە تا یاری تێدا بكەن.

بەهۆی نۆژەنكردنەوەی یاریگای كامپ نۆو وەرزی داهاتوو یانەكە لەو یاریگایە یاریەكانی ئەنجام نادات.

لە بەیاننامەیەكی فەرمیدا لە هەژماری تایبەتی خۆیان لە تۆڕی كۆمەڵایەتی تویتەر بارسێلۆنا نووسیویەتی: لە بەرواری 6 و 11ی مانگی شەش دەرگای كامپ نۆو بەڕووی هەموواندا دەكرێتەوە و دەتوانیت بە یاریكردن لە یاریگای كامپ نۆو خەونەكەت بهێنیتە دی.

هەروەها لە بەیاننامەكەشدا هاتووە یاریەكە بۆ ماوەی كاتژمێرێك دەبێت و نرخەكەشی بۆ هەر كەسێك 300 یۆرۆ دەبێت.