یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی دەیەوێت ماوەی خواستنەكەی لوك دی یۆنگ بۆ وەرزێكی دیكە درێژ بكاتەوە.
بەپێی زانیاریەكانی ڕۆژنامەی سپۆرتی ئیسپانی یانە كەتەلۆنییەكە تەواو لە ئاستی هێرشبەرەكە ڕازین و دەیانەوێت وەرزێكی دیكەش لە یانەكەیان بمێنیتەوە.
لوك دی یۆنگ وەرزی ڕابردوو بەشێوەی خواستن پەیوەندی بە بارساوە كرد.
لەم وەرزەی لالیگادا هێرشبەرە هۆڵەندیەكە بەشداری لە 16 یاری كردووە و توانیویەتی شەش گۆڵ تۆمار بكات.
