ئەمڕۆ لە سێیەم یاری خۆیدا لە خولی یانە پاڵەوانەکانی ئاسیا، یانەی قوەی جەوی عێڕاقی لە یاریگای( ئەمیر فەیسەڵ بن فەهد) لە سعودیە ڕووبەڕووی یانەی شەبابی ئەم ووڵاتە دەبێتەوە کاتژمێر 11:15 خولەکی شەو، یانەی جەویە لە دوو یاریدا سێ خاڵی هەیە و یانەی شەبابیش خاوەن شەش خاڵە و پلەی یەکەمی کۆمەڵەکەی گرتووە کە ( ئیفەر پانیگا ) یاریزانی بە نێو بانگی ئەرژەنتینی یاری بۆ یانەکە دەکات.
لە کۆنگرەیەکی ڕۆژنامەوانیدا ( حەکیم شاکر ) ڕاهێنەری یانەی قوەی جەویە ڕایگەیاند : یاری داهاتوومان زۆر بەهێزە چونکە لەگەڵ یانەیەکی گەورەی ئاسیا یاری دەکەین، یاریەکە قوڕسە بەڵام لە هەمان کاتدا مەحاڵ بوونی نیە، هەر دوو یانە دەیانەوێ سەرکەون لەم کۆمەڵە یە و هەمان ئامانجیان هەیە، خاڵی بەهێز و لاوازی ئەوانمان دەست نیشانکردووە و هەوڵدەدەین زۆرترین کاری لە سەر بکەین، توانای جەستەیی ئێمە و ئەوان جیاوازە، بەڵام بە پلانێکی جیاواز تر یاری دەکەین بۆ ڕاگرتنی ئەوان.
خولی یانە پاڵەوانەکانی ئاسیا بە شێوەی گردبوونەوە بەڕێوەدەچێت و یارییەکانی کۆمەڵەی یانەی قوەی جەوی لە ووڵاتی سعودیە ئەنجامدەدرێت. 
