یاریگا-
ڕاپۆرتە ڕۆژنامەوانیەكانی ئینگلتەرا ئاشكرایانكرد محەمەد سەڵاحی میسڕی و ئەستێرەی یانەی لیڤەرپولی ئینگلیزی نزیكە لە نوێكردنەوەی گرێبەستەكەی لەگەڵ یانەكەی.
گرێبەستەكەی سەڵاح لەگەڵ ڕێدز لە هاوینی 2023 بەسەردەچێت و تا ئێستا نەگەشتوونەتە ڕێككەوتن بەمەبەستی نوێكردنەوەی گرێبەستەكەی.
بەپێی زانیاریەكانی ڕۆژنامەی میرۆر سەڵاح نزیكە لە گەشتن بە ڕێككەوتن بە مەبەستی نوێكردنەوەی گرێبەستەكەی و داواكاریەكانی كەمكردووەتەوە.
پێشتر سەرچاوەكان ئاماژەیان بەوە كردبوو كە سەڵاح داوای موچەی هەفتانەی 500 هەزار پاوەند دەكات و ئەوەش لە توانای یانەكەدا نیە.
