یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد كە یانەی ئەرسیناڵی ئینگلیزی گرنگی دەدات بە تواناكانی جواو فیلیكسی پورتوگالی و ئەستێرەی یانەی ئەتلەتیكۆ مەدریدی ئیسپانی.
بەپێی زانیاریەكانی بەرنامەی چیرنگیتۆی ئیسپانی ئەرسیناڵ لەسەر داواكاری میكێل ئارتێتای ڕاهێنەری یانەكەیان گرنگی بو گواستنەوەی جواو فیلیكس دەدەن لە وەرزی داهاتوودا.
پێر ئیمیریك ئۆبامیانگی گابۆنی و هێرشبەری پێشووی یانەی ئەرسیناڵ بە گرێبەستێكی ئازاد ڕیزەكانی یانەكەی بەرەو بارسێلۆنا بەجێهێشت ، هەروەها گرێبەستی لاكازێت و نیكیتا لە هاویندا بەسەردەچێت و یانەكە نایەوێت گرێبەستیان نوێ بكاتەوە.
هەمان سەرچاوە ئاشكرایكردووە كە ڕۆخی بلانكۆس لە 120 ملیۆن پاوەند كەمتر ڕێگە بە ڕۆشتنی فلیكس نادات لە یانەكەیان.
هێرشبەرە پورتوگالیەكە ساڵی 2019 بە بڕی 113 ملیۆن پاوەند لە بەنفیكاوە پەیوەندی بە ڕیزەكانی ئەتلەتیكۆ مەدریدەوە كرد.
