خوله‌کانی دیکە
سیلڤا دەیەوێت لە لالیگا یاری بکات
یاریگا–
بێرناردۆ سیلڤا، ناوەڕاستکاری پۆرتوگالی یانەی مانچێستەر سیتی ئینگلیزی خەون بە یاری کردن بە ریزەکانی یانەی ریال مەدریدی ئیسپانیاوە دەبینێت.
رۆژنامەی کالچۆ میرکاتۆی ئیتاڵی ئاشکرای کردووە، ناوەڕاستکارەکەی ستیزن خەون بە پۆشینی درێسی شاهانەکانەوە دەبینێت و، داواشی لە بەڕێوەبەری کارەکانی کردووە هەوڵ بۆ ئەم ئامانجەی بدات، بەڵام ئەستەمە ئەم خەونەی ببێتە راستی، چونکە کارگێری یانە ئیسپانیەکە بەهۆی ئەو قەیرانە داراییەی لەسەردەمی کۆرۆنا سەری هەڵداوە، لە توانایدا نیە پارەیەکی زۆر بۆ گواستنەوەی یاریزانی نوێ خەرج بکات.
سیلڤا هاوینی ساڵی 2025 گرێبەستەکەی لەگەڵ یانەی مانچێستەر سیتی کۆتایی دێت و، یەکێکە لە چەکە کاریگەرییەکانی پێپ گواردیۆلا راهێنەری ئیسپانی ئەو یانەیە.
