یاریگا-
داڤید دی خیای ئیسپانی و گۆڵپارێزی یانەی مانچێستەر یۆنایتدی ئینگلیزی باس لە هۆكاری دابەزینی ئاستی یانەكەیان دەكات.
لە لێدوانیدا كە ڕۆژنامەی دەیلی مەیل بڵاویكردووەتەوە دی خیا ووتی: لەو باوەڕەدام یەكێك نەفرەتی لێكردووین یان شتێكی دیكە ، لە ڕاستیدا نازانم چیمان بەسەر هاتووە.
هەروەها ووتیشی: هەموو كات هاندەران لێم دەپرسن كە چی بەسەر تیمەكەدا هاتووە و هیچ وەڵامێكم نەدۆزیوەتەوە ، دەبوو ڕكابەریمان لەسەر چەندین نازناوی گەورە بكردایە ، نازانم بۆچی ئەم تیمە سەركەوتن بەدەست ناهێنێت.
گۆڵپارێزە ئیسپانیەكە سەبارەت بە ئاستە بەرزەكەی ووتی: نازانم ئەوە باشە یان نا تیمی بەرامبەرمان زۆرترین هەلی گۆڵكردنیان بۆ دەڕەخسێت و دەمەوێت پارێزگاری لە تۆڕی گۆڵەكەمان بكەم.
