یاریزانانی پاریس سانجێرمان دڵنیان لە کردنە دەرەوەی ریال مەدرید

یاریگا–
هەفتەی داهاتوو قۆناخێکی دیکەی چامپیۆنزلیگ دەست پێدەکاتەوە و، لە یارییەکی گرنگی قۆناخی شازدە ریال مەدرید دەبێتە میوانی پاریس سانجێرمان و، یاریزانانی یانە فەرەنسیەکەش دڵنیان دەتوانن لە رکابەرەکەیان ببەنەوە.

کەناڵی ABC ئیسپانی زانیاری دەستکەوتووە کە یاریزانانی شازادەکان بەڵێنیان داوە ئەوەی لە توانایاندا بێت بۆ کردنە دەرەوەی رکابەرەکەیان بەکاربێنن و، راهێنەری یانەکەشیان دڵنیا کردووەتەوە ئەوان لەسەر دەستی رکابەرەکەیان بلێتی قۆناخی چارەکی کۆتایی بەدەست دێنن.

هەردوو یانە بریارە هەفتەی داهاتوو لە یاری چوونی قۆناخی شازدەی چامپیۆنزلیگ بە میوانداری پاریس سانجێرمان رووبەڕووی یەکتری ببنەوە.