یاریگا-
كاردانەوەی دانی ئەلڤێسی بەڕازیلی و یاریزانی یانەی بارسێلۆنای ئیسپانی سەبارەت بە بڕیاری دوورخستنەوەی لەلایەن چاڤی هێرناندێزی ئیسپانی و ڕاهێنەری یانەكەیان بۆ یاریەكانی خولی ئەوروپی.
بەشێوەیەكی فەرمی ئەلڤێس لە لیستی یاریزانە بانگهێشتكراوەكانی یانەكەی بۆ یاریەكانی یۆرۆپا لیگ دوورخرایەوە.
سەبارەت بە بڕیاری دوورخستنەوەی ئەلڤێس ووتی: ڕاهێنەر خۆی باشتر دەزانێت ، من هەمیشە دەمەوێت تا ئەو ڕادەیەی كە دەكرێت یارمەتیان بدەم.
هەروەها ووتیشی: هاتووم شتێکی زیادە پێشکەش بکەم بۆ هێنانی پلەیەکی دیاریکراو لە پێشبڕکێ و ڕۆحێکی براوە، ئەگەرئەوەش بە دوورخستنەوەم بێت لە لیستەكە ئەوا هیچ كێشەیەك نیە ، ئەوانە قۆناغەكانی ژیانن و دەبێت قبوڵیان بكەین.
لە كۆتایشدا ووتی: من حەزم دەكرد بەشداری بكەم بەڵام نەكرا بەداخەوە تەنها لەلایەنە باشەكانەوە لێی دەڕوانم و بەردەوام دەبم لە ئەنجامدانی كارەكانم.
