ئیتاڵییەکان توڕەن لە فیفا

یاریگا-میدیاکان و کەسایەتییە وەرزشییەکانی ئیتاڵیا پێیان وایە زوڵم لەو وڵاتە کراوە لە دیاریکردنی باشترینەکاندا.

دوور لە چاوەڕوانییەکان تۆماس توخێل وەک باشترین راهێنەری جیهان بۆ ٢٠٢١ دەستنیشانکرا و لە رۆبێرتۆ مانچینی بردەوە کە پاڵێوراوی یەکەم بوو.

هەروەها ئیدواردۆ مێندی گۆڵپارێزی چێڵسی لەبری جیانلویجی دۆناروما وەک باشترین گۆڵپارێزی جیهان دەستنیشانکرا.

رۆژنامەی گازیتا دیلۆ سپۆرت دەڵێت “یۆرۆی ٢٠٢١” پشت گوێخراوە لە بڕیاردان و  ئەنجامەکان هەڵەیە.

هۆکارێکی دیکەی توڕەیی ئیتاڵییەکان لەوەوە دێت کە دۆناروما، جۆرجینهۆ و بۆنوچی لە پێکهاتەی نمونەیی فیفا بوون بەڵام لە دەنگی کاپتن و رۆژنامەنووس و راهێنەران بۆ باشترینەکان فەرامۆش کراون.