یاریگا-
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا ئێوارەی ئەمڕۆ شەممە لە کۆنگرەی رۆژنامەوانی پێش یاری یانەکەی بەرامبەر ئاتلێتیک بیلباو لە یاری کۆتایی جامی سوپەری ئیسپانیا وەڵامی رۆژنامەنوسانیدایەوە.
راهێنەرەکەی شاهانەکان سەبارەت بە یاریزانەکانی یانەکەی گووتی ” بەگشتی یاریزانەکان بەباشی ئامادەن بۆ یارییەکە، ئەوەی منی دوو دڵ کردووە بەشداری کردنی داڤید ئالابا و هەروەها مارکۆ ئاسێنسیۆیە، ئەو دوو یاریزانە پێکانیان هەیە و دەبێت تاوەکو سبەی چاوەڕێ بکەین بزانین چارەنوسیان چی دەبێت ”.
ریال مەدرید شەوی داهاتوو لە یاری کۆتایی جامی سوپەری ئیسپانیا رووبەڕووی ئاتلێتیک بیلباو دەبێتەوە.
