یاریگا-
ڕۆژنامەی ماركای ئیسپانی ئەنجامی پشكنینی ڤایرۆسی كۆرۆنای هەردوو یاریزان پیدری گۆنزالیز و فێران تۆرێسی بڵاوكردەوە پێش سەفەركردنیان بۆ سعودیە بۆ ئەنجامدانی یاری سوپەری ئیسپانیا.
ڕۆژی چوارشەممە كاتژمێر 22:00:بە كاتی كوردستان هەردوو یانەی بارسێلۆنا و ڕیاڵ مەدرید لە جامی سوپەری ئیسپانیا ڕووبەڕووی یەك دەبنەوە.
بەپێی زانیاریەكانی ڕۆژنامەی ماركا پشكنینەكانی هەردوو یاریزان پیدری و تۆرێس ئەرێنی بووە و هێشتا هەڵگری ڤایرۆسەكەن.
بەوەش واتە هەردوو یاریزان سەفەری سعودیە ناكەن و بەشداری یاری كلاسیكۆ ناكەن.
