یاریگا–
یانەی ریال مەدریدی ئیسپانیا لە هەوڵی ئەوەدایە هاوینی داهاتوو ئێدین هازارد یاریزانی بەلجیکی یانەکەی پێشکەش بە یانەکەی پێشووی واتە چێلسی بکات و، لە بەرامبەردا رێس جەیمس بەرگریکاری ئەو یانەیە بۆ ریزەکانی بگوازێتەوە.
هەژمارەی فەرمی GiveMeSport لە تۆڕی کۆمەڵایەتی تویتەر بڵاویکردەوە، کارگێری شاهانەکان ئامادەیە دەستبەرداری یاریزانە بەلجیکیەکەی بۆ یانەکەی پێشووی بێت، بە مەرجێک یانە لەندەنیەکەش دەستبەرداری بەرگریکارەکەیان بێت، بۆیە چاوەڕێ دەکرێت هاوینی داهاتوو دوای کۆتایی هاتنی ئەم وەرزە، هەردوو یانە گفتوگۆکانیان لەمبارەوە دەست پێ بکەن.
هازارد هاوینی ساڵی 2024 گرێبەستەکەی لەگەڵ ریال مەدرید کۆتایی دێت، بەڵام ئەو یاریزانە بەهۆی پێکانە زۆرەکان، بەشداری کەمترین یاری یانەکەی کردوو، هەر ئەمەش وایکردووە یانەکەی بیر لەوە بکاتەوە دەستبەرداری بێت.
