یاریگا-رۆناڵدۆ دالیما ئەستێرەی مێژوویی بەڕازیل بەفەرمی یانەی کرۆزیرۆی وڵاتەکەی کڕییەوە.
رۆناڵدۆ لەو یانەیەدا ناوبانگی دەرکرد و دواتر گوێزرایەوە بۆ ئەورووپا. واژۆکردنەکە بە ئامادەبوونی سێرجیۆ سانتۆس رۆدریگێزی سەرۆکی یانەکە ئەنجامدرا لە ساوپاولۆ.
بەگوێرەی رۆژنامەی سەن، رۆناڵدۆ توانیوییەتی گرێبەستەکە بباتەوە بەسەر خاوەنانی یانەی لیڤەرپوول کە ئەوانیش هەوڵی کڕینی یانەکەیان داوە.
کرۆزیرۆ یەکێکە لە یانە مێژووییەکانی بەڕازیل و هەرگیز دانەبەزیبوو بۆ پلە دوو تاوەکو لە ٢٠١٩ ـەوە دابەزی بۆ ریزی یانە پلە دووەکانی ئەو وڵاتە.
کرۆزیرۆ دەبێتە دووهەم یانە کە دیاردە خاوەندارێتی بکات دوای ریاڵ ڤایۆدۆلید، ئەمیشیان لە ئێستادا لە خولی پلە دووی ئیسپانیا یاری دەکات.
