یاریگا-
كریستیانۆ ڕۆناڵدۆی پورتوگالی و ئەستێرەی یانەی مانچێستەر یونایتدی ئینگلیزی دوای یەكسان بوونەكەیان بەرامبەر چێلسی پەیامێكی بڵاوكردەوە.
چێڵسی لە یاریگای ستامفۆرد بریجی تایبەت بە خۆی میوانداری مانچێستەر یونایتدی كرد و یاریەكەش بە گۆڵێك بۆ هەردوولا یەكسان بوون ، لە میانەی یاریەكانی هەفتەی 13ی خولی ئینگلیزیدا.
لە خولەكی 50ی یاریەكەدا جادۆن سانچۆ گۆڵەكەی شەیتانە سورەكانی تۆمار كرد و لە خولەكی 69 جۆرجینهۆ گۆڵی یەكسانی بۆ بلوز تۆمار كرد.
لە دوای یاریەكە كریستیانۆ ڕۆناڵدۆ لە هەژماری تایبەتی خۆی لە تۆڕی كۆمەڵایەتی ئینستاگرام نووسیویەتی:
” هێشتا ڕێگایەكی دوور و درێژمان لە پێشە وە هیچ شتێك ئەستەم نیە كاتێك تۆ یاری بۆ مان یۆنایتد دەكەیت ، تا كۆتایی بەردەوام دەبین لە گەشتن بە ئامانجەكانمان ”.
مانچێستەر یونایتد لەم وەرزەی پریمەرلیگدا دوای تێپەڕبوونی 13هەفتە تەنها 18 خاڵی كۆكردووەتەوە و لە ڕیزبەندی هەشتەمی خولەكەدا دێت.
