یاریگا–
یانەی ریال مەدرید هەفتەی داهاتوو لە گەڕی پازدەی لالیگا رووبەڕووی سێڤییا دەبێتەوە و، چاوەڕێ دەکرێت داڤید ئالابا بەشداری یارییەکە نەکات.
رۆژنامەی وەرزشی مارکای ئیسپانی بڵاویکردەوە، بەرگریکارە نەمساییەکەی شاهانەکان بەهۆی ئەو پێکانەی لە یاری رابردووی یانەکەی بەرامبەر شێریف لە چامپیۆنزلیگ تووشی بووە، ئەستەمە بۆ یاری داهاتووی یانەکەی بەشداری بکات. سەرچاوەکە باسی لەوەش کردووە بریارە سبەی دوایین پشکنین بۆ ئەو یاریزانە بکرێت و چارەنوسیشی یەکلایی دەکرێتەوە.
ریال مەدرید بە کۆکردنەوەی 30 خاڵ پلەی یەکەمی لالیگا گرتووە، لە بەرامبەردا سێڤییا بە جیاوازی دوو خاڵ لە پلەی سێیەم دێت.
