یاریگا–
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا رایگەیاند ئێدین هازارد یاریزانی بەلجیکی یانەکەی، بۆ یاری بەرامبەر گرانادا ئامادە نابێت.
راهێنەرە ئیتاڵیەکەی شاهانەکان لە کۆنفڕانسی رۆژنامەوانی پێش یاری یانەکەی لە گەڕی چواردەی لالیگا گووتی ” هازارد بەهۆی ئازاری گەدە بۆ یارییەکەی بەرامبەر گرانادا ئامادە نابێت و، دوای ئەم یارییە ئەگەر بێتو نەخۆشیەکەی چارەسەر بێت، لەوانەیە بۆ یاری چامپیۆنزلیگ بەرامبەر شێریف ئامادەبێت “.
هازارد ئەم وەرزە بەهۆی پێکانە یەک لە دوا یەکەکانی بە گشتی لە سەرجەم خوڵ و پاڵەوانتیەکان بەشداری تەنها یەک یاری کردووە.
