یاریگا–
کەریم بێنزێما هێرشبەری فەرەنسی یانەی ریال مەدریدی ئیسپانیا و تیبۆ کۆرتوا گۆڵپارێزی بەلجیکی ئەو یانەیە، ئەمڕۆ بەشداری راهێنانە بە کۆمەڵەکانی یانەکەیان کرد.
رۆژنامەی وەرزشی ئاسی ئیسپانی بڵاویکردەوە، دوای یاری کلاسیکۆ هەردوو یاریزانە شاهانەکان بەهۆی هەست کردن بە ئازار، بەشداری راهێنانە بە کۆمەڵەکانی یانەکەیان نەکرد، بەڵام ئەو دوو یاریزانە ئەمڕۆ لە دوایین یەکەی ئامادەکارییەکانی یانەکەیان بەشداریان کرد و، هیچ کێشەیەکیان نەبوو.
ریال مەدرید دوای بردنەوەی لە یاری کلاسیکۆ بەرامبەر بارسێلۆنا بە ئەنجامی 2-1، ئەمجارە لە گەڕی یازدەی لالیگا لە یاریگای خۆی سبەی چوار شەممە کاتژمێر 22:30 بەکاتی هەولێر میوانداری ئۆساسۆنا دەکات.
