یاریگا–
ماوریسیۆ پۆچێتینیۆ، راهێنەری یانەی پاریس سانجێرمانی فەرەنسا نهێنییەکی گەورە لەسەر کاردانەوەی قسەکانی ئاشکرا دەکات، کاتێک گووتی میسی شایستەی بەدەستهێنانی خەڵاتی بالۆن دۆری 2021ـە.
راهێنەرەکەی شازادەکان لە چاوپێکەوتنێکدا دەڵێت، ئەو کاتەی دوای یارییەکەی بەرامبەر مارسێی پرسیارم لێکرا کێ شایستەی خەڵاتی بالۆن دۆرە، بەبێ دوو دڵی ناوی ئەستێرەی ئارجێنتینایی یانەکەم هێنا، بەڵام ئەم قسانەم کاردانەوەی بەدوای خۆیدا هێنا و، بووە هۆی دڵگران بوونی نێیمار و ئێمباپێ، چونکە ئەو دوو یاریزانە پێیانگووتم بۆچی ئێمە شایستەی ئەم خەڵاتە نەبین.
دەنگدان بۆ دەست نیشانکردنی براوەی خەڵاتی بالۆن دۆر بۆ ساڵی 2021 کۆتایی هاتووە، بریارە کۆتایی مانگی داهاتوو لە شاری پاریسی فەرەنسا، ناوی براوەی خەڵاتەکە ئاشکرا بکرێت.
