یاریگا-
ئەنتوان گریزمانی فەڕەنسی و هێرشبەری یانەی بارسێلۆنای ئیسپانی گەشتە یاری ژمارە 100 بە درێسی بارسێلۆناوە.
بارسێلۆنا لە یاری دەستپێكی لالیگا میوانداری ڕیاڵ سۆسیدادی كرد و توانی یاریەكە بە ئەنجامی چوار گۆڵ بەرامبەر دوو گۆڵ لێ بباتەوە.
بەپێی تۆڕی ئۆپتا كە تایبەتە بە ژمارە و ئامارەكان یاری شەوی ڕابردوو یاری ژمارە 100ی گریزمان بوو بە درێسی بارسێلۆناوە.
لەماوەی ئەو 100 یاریەدا هێرشبەرە فەڕەنسیەكە بەشداری لە 51 گۆڵدا كردووە بە جۆرێك 35 گۆڵی تۆمار كرد و 16 گۆڵیشی درووست كردووە.
