یاریگا-
سەرچاوە فەڕەنسیەكان ئاشكرایانكرد سێرجیۆ ڕامۆسی ئیسپانی و بەرگریكاری نوێی یانەی پاریس سان جێرمان ماوەیەكی زۆر لە یاریگاكان دادەبڕێت.
ڕۆژنامەی لۆ پاریزیانی فەڕەنسی ئاشكرایكرد پێكانەكەی ڕامۆس مەترسیدارترە لەوەی چاوەڕوان دەكرا و دەستەی پزیشكانی یانە فەڕەنسیەكە دوو مانگ پشوویان بۆ كاپتنەكەی پێشووی ڕیاڵ مەدرید داناوە.
چاوەڕوان دەكرا ڕامۆس دوای دوو هەفتە بگەڕێتەوە یاریگاكان بەڵام یاریزانەكە بەهۆی ئەو پێكانەی لە ڕانیدا هەیە ناتوانێت تا كۆتایی مانگی 10 بگەڕێتەوە یاریگاكان.
