ڕاهێنەری هەنگاریا باسی كریستیانۆ ڕۆناڵدۆ دەكات

یاریگا- 

ماركۆ ڕۆسی ، ڕاهێنەری هەڵبژاردەی هەنگاریا باسی كریستیانۆ ڕۆناڵدۆ ئەستێرەی هەڵبژاردەی پورتوگال و یانەی یوڤێنتوسی ئیتاڵی دەكات.

پورتوگال توانی سێ گۆڵ تۆمار بكات ، لە یاریەكەیان بەرامبەر هەنگاریا و كریستیانۆ ڕۆناڵدۆ دوو گۆڵی یاریەكەی تۆمار كرد.

ماركۆ ڕۆسی لە لێدوانیدا بۆ ڕۆژنامەی لاگازێتا دیلۆ سپۆرتی ئیتاڵی ووتی: ئەو پاڵەنێكی نایابە ، بەڵام هەندێك جار بەهۆی ڕەفتارەكانیەوە بێزاركەر دەبێت.

هەروەها ووتیشی: كاتێك لێدانە سزایەكەی جێبەجێكرد بەرامبەرمان ، ئاهەنگی دەگێڕا وەك ئەوەی لە یاری كۆتایی گۆڵی تۆمار كردبێت ، خەڵكیش تێبینی ئەوەی كردووە.

شایەنی باسە لە كۆمەلەی شەشەم هەریەك لە هەلبژارەكانی فەڕەنسا و ئەڵمانیا و پورتوگال گەشتنە قۆناغی داهاتوو و هەلبژاردەی هەنگاریا ماڵئاواییان لە پاڵەوانیەتیەكە كرد.