یاریگا–
رۆی سیلڤا، گۆڵپارێزی پۆرتوگاڵی یانەی گرانادای ئیسپانیا بەشێوەیەکی فەرمی پەیوەندی بە ریزەکانی یانەی ریال بێتیسی ئەم وڵاتەوە کرد.
ماڵپەری فەرمی یانەی ریال بێتیسی ئیسپانی بڵاویکردەوە لەگەڵ گۆڵپارێزی پۆرتوگاڵی یانەی گرانادا گەیشتنە رێکەوتن و ئەو یاریزانەیان بۆ ماوەی پێنج وەرز تاوەکو ساڵی 2026 بێ بەرامبەر گواستەوە ریزەکانی.
سیلڤا کۆتایی ئەم مانگە گرێبەستەکەی لەگەڵ گرانادا کۆتایی دێت و وەرزی رابردوو لەگەڵ یانەکەی بەشداری 33 یاری لالیگای کرد و 55 گۆڵی لێکرا و هەشت کلین شیتی هەبوو، ئەو یاریزانە بانگهێشتی هەڵبژاردەی پۆرتوگاڵ کراوە و بەشداری جامی نەتەوەکانی ئەوروپا دەکات.
