یاریگا-
رۆناڵد کومان، راهێنەری هۆڵەندی یانەی بارسێلۆنای ئیسپانیا هۆشداری داوەتە کارگێری یانەکەی، ئەگەر بێتو لە پۆستەکەی دوور بخرێتەوە، داوای هەموو شایستە داراییەکانی دەکات.
رۆژنامەی سپۆرتی کەتەلۆنی و چەندین سەرچاوەی دیکەی هەرێمی کەتەلۆنیا بڵاویان کردووەتەوە، خوان لاپۆرتا سەرۆکی بلاوگرانا بەرێوەبەری کارەکانی راهێنەری یانەکەی ئاگادار کردووەتەوە، تاوەکو دوو هەفتەی دیکە راهێنەرێکی نوێ لە شوێنی راهێنەرەکەیان دەست نیشان دەکەن، بۆیە راهێنەرە هۆڵەندیەکەش هۆشداری داوە ئەم کارەی بەرامبەری بکەن، ئەویش داوای سەرجەم شایستە داراییەکانی کە 8 ملیۆن یۆرۆ دەکات.
بارسێلۆنا لەم چەند ساڵەی رابردوو بەردەوام راهێنەری دوورخستووە و لە بەرامبەردا راهێنەرەکان لە شایستە داراییەکانیان خۆش نابن، ئەمەش زیانێکی زۆری بەم یانەیە گەیاندووە.
